Christian Helfer
Lexicon Auxiliare
Saraviponti 1991

Hac in lexici Theodisco-Latini editione curis tertiis recognita eae voces atque locutiones colliguntur, quae ad Latinitatis usum hodiernum prosunt, sed in vocabulariis recentioribus plerumque desiderantur. Recepta sunt non solum vocabula variarum disciplinarum, quae antiquis tradita sunt, sed etiam doctrinarum recentiorum verba novata, quae ad res technicas, oeconomiam, rem telonialem, artem informaticam aliasque spectant.

Porro allatae sunt multae commentationes academicae saeculorum XVI-XIX, quae pertinent ad disciplinas vetustiores, praesertim ad medicinam, biologiam, iurisprudentiam. Quae scripta ex Europaeis studiorum universitatibus oriunda eo fine allata sunt, ut demonstraretur de quanta varietate thematum ex tempore renascentium litterarum Latine actum esset. Praeterea hae disputationes ex ingenti numero selectae saepius usum verborum novatorum ex ipsis earum titulis attestantur, cum insuper plures neologismos contineant, qui ab rerum tractatarum investigatoribus, si usus veniat, requirantur. Eo modo evenit, ut una cum vocabulario neolatino non pauca auxilia bibliographica suppeditarentur, quae a Latinae linguae cultoribus adhiberentur, praesertim ab omnibus, qui historiae scientiarum atque cultus civilis operam navant.

Verba novata saeculorum VII-XIV crucibus (+), sed verba recentiora asteriscis (*) ornata sunt nominibus propriis et geographicis praetermissis.

Ut pronuntiatus conveniens fideliter observetur, indicantur vocales (non syllabae) longae, at breves omittuntur nisi in lexicis prioribus falso indicatae vel usu observato in sermone Latino saepius neglectae sunt.

Liber linteo contectus continet 650 pp. Pretium: 76.- MG. - Subnotatores commentariorum q.t. Vox Latina - modo sint personae naturales - solvunt pretium speciale 38.- marcarum Germanicarum.

Societas Latina
Universität - FR 6.3
D-66041 Saarbrücken