Hoc libro iter Israhelianum sive Palaestinense diligenter describitur, quod anno 1978o susceptum est faciendum. Itaque refertur et agitur de Galilaea et Iudaea et Mari Mortuo et monte Sinai, sed singillatim de Nazara et lacu Genesareth, de Hierosolymis et valle Cedronis et ecclesia Golgothana, de urbe Aila et monasterio Sinaitico Sanctae Catharinae, de Herodio et Emmaúnte et Encarim et Bethleem, de Qumran et Engaddi et Arad et Masada, denique de Bersabe et Azoto et Vernicólle et Ioppe et Hefa et Accho et Caesarea (Marítima).
Porro praeter ipsas locorum condiciones aedificiorumque descriptiones (vel imagines photográphicas) textuum testes antiqui et mediaevales (quidamque recentiores) afferuntur nominaque propria sive geographica sive personalia prosodiae signis dcrtcs vel accentuum Latinorum signis perutilibus perhibentur insignita.
Tanguntur autem et tractantur etiam quaestiones historicae numero non paucae. Denique antiqua et hodierna, religiosa et profana, Iudaica et Christiana et Muslimica et paganica referuntur relationeque vere Latina convenienter coniunguntur.
Hic liber 253 paginarum constat undequadraginta marcis Germanicis atque octoginta penningis (39,80).
Societas Latina
Universität - FR 6.3
D-66041 Saarbrücken