Post complurium decenniorum investigationes scientiales peractas insuperque plus mille quadringentis lucubrationibus scientificis adhibitis, quae spectant ad Latinam phnticn et prnntitum, duo phonodísci compácti proponuntur venales, qui inscribuntur

Continentur autem priore phonodisco vocales (longae et breves), dipthongi (in urbe Roma usque in quartum saeculum p.Chr.n.) dipthongice pronuntiatae, consonantes conclusívae et nsonae aspiratae (ph - th - ch) et nasalas (m, n) et lateralis dentalis sona (l) et vibrans dentalis sona (r), constrictíva labiodentalis insona (s), constrictíva glottidalis insona (h), consonans duplex insona (x), affricata dentalis sibilans sona (z), consonantes sive semivocales (u - i).

In posteriore phonodísco agitur de accentu Latino, de nasalizatione et velarizatione; deinde alphabetum Latinum exhibetur, postea quattuor epistulae breves Ciceronianae, sequitur exemplum nuntiorum radiophonicorum, denique appendix adnotationum quarundam, qua de quibusdam recentioribus rebus et inceptis Latinis agitur. Praeter hoc additamentum in his phonodíscis compáctis eaedem res continentur, quae insunt in phonocaseta secunda Societatis Latinae, sed sonorum qualitas est melior, insuper generaliter dicuntur phonodisci compacti multo diutius durabiles esse, cum iidem ipso usu quamvis crebro nullatenus deterantur vel absumantur.

Sunt quidem Latinae grammatica et stilistica et rhetorica Latinitatis aureae sive classicae quasi perfecte per plurima saecula asservatae et traditae, at non ita phonetice linguae Latinae, cum subsidia scripturabilia et téchnica defuissent. Tamen tempore recentiore fieri potuit, ut antiquus pronuntiatus Latinus innumerabilibus studiis peractis satis exacte restitueretur. Hic pronuntiatus vere Latinus - nequaquam rhetórice Latina! - his primis omnium duobus Latinis phonodiscis compactis exhibetur et proponitur et commendatur. Locutor est autem Prof. Dr Maximilianus Mangold, academicus phonetísta universitarius internationaliter agnitus; libellum textualem composuit Dr Caelestis Eichenseer.

Constant autem hi duo phonodisci coniuncti duodeviginti marcis Germanicis libellusque textualis quinque marcis Germanicis.

Societas Latina
Universität - FR 6.3
D-66041 Saarbrücken